احتفلت ابنة الكاتب الراحل أسامة أنور عكاشة عبر صفحتها الشخصية على موقع التواصل فيسبوك بإعادة عرض فيلم الباب الأخضر في صورة فيلم بعد أكثر من 30 عاما من إصدارها كرواية، موضحة سعادتها بحرص مهرجان الاسكندرية السينمائي لدول البحر المتوسط في دورته ال 38 على عرض فيلم الباب الأخضر ضمن فعاليات المهرجان.وكتبت نسرين نجلة الكاتب أسامة انور عكاشة عبر صفحتها الشخصية: ««الباب الأخضر مش مجرد فيلم بابا كتبه كاملًا من أكتر من ٣٠ سنة وماطلعش للنور، ده حالة فريدة من حالات إبداعه حاكي فيها، عن مجتمعنا في زمن كتابته وكل زمن، لأنه شأن مصري هيفضل مهتم بمناقشته كل واعي ومعني بمصريته».وأضافت: «الباب الأخضر أسعدني خروجه جدا، ده قصة وسيناريو وحوار أسامة أنور عكاشة، فاهمين يعني ايه نخرجه للنور بعد رحيل أبويا؟.. الفيلم ده من أفلام بابا المهمة اللي كان نفسه ينفذه ويوصله لجمهوره ومعرفش.. طب فاهمين يعني إيه أقدَم افلامه يخرج للنور، ويبقى الفيلم اللي يلمس هم الناس حتى بعد ٣٠ سنة؟،.. الفيلم مكتوب من أكتر من ٣٠ سنة لكنه لكل عصر».وتابعت: «شعوري كان رهيب وأنا باتفرج ع الفيلم في شاشة عرض مع الناس ومع فريق العمل وأشوف الناس مهتمة وساكتة ومركزة مع الفيلم وماحدش بيزهق ويقوم.. .ويخلص الفيلم ألاقي المبهور والمعجب بالفيلم والمتأثر بيه واللي دمع معاه.. .. والاهم اللي فهم الرسايل اللي بيقولها الفيلم وواعي بمعناها واهميتها».وواصلت نسرين أنور عكاشة: «الخدعة اللي وارد تحصل لما تتفرج عليه في البداية انك تفتكره قصة عادية، لكن بعد شوية هتكتشف انك قدام فيلم وطني، أيوة وطني، أبويا كان شايف فيه كتير لقدام، وحاكي فيه عن محاولات تغييبنا وتغيير هويتنا في كل زمن، وعن تمسكنا إحنا بكياننا، وهويتنا وانتماءنا للبلد دي في كل زمن، ده مش فيلم تجاري ولا أيٍ من المسميات اللي تخليك تشبهه بفيلم تاني، ده فيلم يبقى لسنين يتشاف فتكتشف فيه أكتر عن معاني انتماءنا ووطنيتنا».وتابعت: «ليه كمان انبسطت أوي لما شفته؟.. ، فريق عمله اللي اسعدنا، ا.رؤوف عبد العزيز له كل التحية والاحترام لتقديره واحترامه الفيلم وقيمته وإخراجه للنور بهذا الشكل المشرف اللي يثبت إزاي العمل ممكن رؤيته البصرية والفنية إخراجًا وتصويرًا، تنجحه وتقوي من تأثيره في المتفرج».اقرأ أيضا:إياد نصار مطلوب في جوجل بسبب «المطاريد».. ملامح غريبة تظهر على الفنان الأردني (صورة)عاجل.. إصابة مديرة منزل نجل الفنان عادل إمام فى حادث دهس تريلا بالطريق الدائريبعد حديثه عن الحسد.. ابنة الفنان صلاح عبد الله تتعرض لحادث مفجعبعد حديثه عن الحسد.. ابنة الفنان صلاح عبد الله تتعرض لحادث مفجع
ابنة أسامة أنور عكاشة تحتفل بالعرض السينمائي لرواية «الباب الأخضر» بعد 30 عاما على إصدارها
